અનંત અંબાણીના લગ્ન કાર્ડ સાથે સંગીત સેરેમનીના કાર્ડની તસવીરો આવી સામે લગ્ન પહેલા કરાશે જોરદાર ઉજવણી અને…
ભારત દેશના સૌથી અમીર વ્યક્તિ મુકેશ અંબાણીના નાના દીકરા અનંત અંબાણીના લગ્ન મુંબઈના જીઓ વર્લ્ડ સેન્ટર ખાતે 12 જુલાઈ ના રોજ યોજવા જઈ રહ્યા છે. આ લગ્ન પ્રસંગ માટે અંબાણી પરિવારના ઘરે તૈયારીઓ શરૂ કરી દેવામાં આવી છે. લગ્નની કંકોત્રી ની અનેક તસવીરો સોશિયલ મીડિયામાં ખૂબ જ વાયરલ થઈ રહી છે પરંતુ આ લગ્ન પહેલા અનંત રાધિકાના સંગીત સેરેમની નું આયોજન કરવામાં આવ્યું છે અને તેમને આમંત્રણ પત્રિકાની તસવીરો સોશિયલ મીડિયામાં જોવા મળી હતી.
આ સંગીત સેરેમની માં હૃદયની ઉજવણી થીમ આધારિત આ કાર્યક્રમમાં તમામ ઉપસ્થિત મહેમાનો ભારતીય સંસ્કૃતિના પહેરવેશમાં જોવા મળશે. સંગીત સેરેમનીના કાર્ડમાં આપેલી માહિતી અનુસાર 12 જુલાઈ ના રોજ લગ્નના દિવસોની શરૂઆત થશે પ્રથમ દિવસે એટલે કે 12 તારીખના દિવસે શુભ લગ્ન થશે. આ ઇવેન્ટમાં તમામ લોકો પરંપરાગત પોશાકમાં જોવા મળશે. આબાદ 13 જુલાઈ ના રોજ આશીર્વાદ સમારોહનું આયોજન કરવામાં આવ્યું છે જેમાં તમામ પરિવારજનો તથા વડીલો વર વધુને આશીર્વાદ આપી લગ્નની શુભકામનાઓ પાઠવશે.
આ ઉજવણી 14 જુલાઈના રોજ મંગલ ઉત્સવ એટલે કે રિસેપ્શન કરી પૂર્ણ થશે. સામાન્યપણે આપણા ભારત દેશમાં બે થી ત્રણ દિવસના લગ્ન જોવા મળે છે પરંતુ અંબાણી પરિવાર પોતાના કોઈ પણ ફંકશન અથવા લગ્ન ખૂબ જ ધામધૂમથી અને ધમાકેદાર રીતે કરતો હોય છે જેમાં દેશ દુનિયાના લોકો પણ જોતા રહી જાય છે જ્યારે મુકેશ અંબાણીની દીકરી ઈશા અંબાણીના લગ્ન કરવામાં આવ્યા હતા ત્યારે તેમાં સાત મિલિયન કરતા પણ વધારે ખર્ચ કરવામાં આવ્યો હતો. ત્યારે હવે ફરીવાર મુકેશ અંબાણીના નાના દીકરા અનંત અંબાણીના લગ્ન પણ ખૂબ જ ધામધૂમથી થશે તેવી સંભાવના વ્યક્ત કરવામાં આવી રહી છે.
આ લગ્નના આમંત્રણ કાર્ડ પણ અનેક મહેમાનો સાથે બિઝનેસમેન બોલીવુડ હોલીવુડ સેલિબ્રિટી અને અંબાણી પરિવાર તરફથી મળવાના શરૂ થઈ ચૂક્યા છે થોડા સમય પહેલા મુકેશ અંબાણીના પત્ની નીતા અંબાણી કાશી વિશ્વનાથ મહાદેવના ચરણોમાં અનંત અંબાણીના લગ્નની કંકોત્રી અર્પણ કરી હતી.ત્યારબાદ મુકેશ અંબાણી સાથે અનંત અંબાણી અને રાધિકા મર્ચન્ટ મહારાષ્ટ્રના સીએમ એકનાથ શિંદે ના ઘરે પહોંચ્યા હતા જ્યાં તેમને આમંત્રણ આપ્યું હતું. આવનારા સમયમાં અનેક મહેમાનો ને અંબાણી પરિવાર તરફથી આમંત્રિત કરવામાં આવશે પરંતુ હાલમાં તો લગ્ન પહેલાના અનેક દિવસોની ઉજવણી સંગીત સેરેમનીના કાર્ડમાં જાહેર થઈ હતી.
