હાર્દિક પંડ્યા આ ખાસ દિવસે ફરીથી લગ્ન કરવા જઈ રહ્યો છે, હાર્દિક પંડ્યાની જાનમાં 3 વર્ષનો દિકરો પણ નાચશે, નતાશા સાથે સાત ફેરા…
હાર્દિક પંડ્યા હાલ ચર્ચાનો વિષય બન્યો છે. આપણે બધા જાણીએ છીએ કે તાજેતરમાં સિદ્ધાર્થ મલ્હોત્રા અને કિયારા અડવાણીના લગ્નની ખૂબ ચર્ચા થઈ હતી. સિદ્ધાર્થ અને કિયારા બાદ હવે રાજસ્થાનમાં વધુ એક હાઈપ્રોફાઈલ લગ્ન થવા જઈ રહ્યા છે. હાર્દિક પંડ્યા અને નતાશા સ્ટેનકોવિક ઉદયપુરમાં વેલેન્ટાઈન ડે પર લગ્ન કરી રહ્યા છે.
બંનેએ વર્ષ 2020માં ઉદયપુરમાં કોર્ટ મેરેજ કર્યા હતા. એવું કહેવામાં આવી રહ્યું છે કે કોર્ટ મેરેજ ઉતાવળમાં કરવામાં આવ્યા હતા અને સ્ટાર કપલ ભવ્ય લગ્ન કરવા માંગતા હતા. ટીમ ઈન્ડિયાનો ક્રિકેટર હાર્દિક પંડ્યા હાલ બ્રેક પર છે. હાર્દિક પંડ્યાએ 2020માં નતાશા સાથે કોર્ટ મેરેજ કર્યા હતા, પરંતુ તે સમયે કોરોનાના કારણે લગ્નમાં પરિવારના સભ્યો જ હાજર હતા.
આ કપલ 14 ફેબ્રુઆરીએ ઉદયપુરમાં એક ભવ્ય સમારોહમાં લગ્નના બંધનમાં બંધાશે. હાર્દિક પંડ્યા અને નતાશા સ્ટેનકોવિકના લગ્ન સમારોહ 13 ફેબ્રુઆરીથી શરૂ થશે અને 16 સુધી ચાલશે. અગાઉ 31 મે, 2020 ના રોજ, હાર્દિક અને નતાશાએ સાદા લગ્ન કરીને તેમના સંબંધોને નવું નામ આપ્યું હતું. હવે આ કપલ તેમના લગ્નને એક ભવ્ય કાર્યક્રમ બનાવવાની તૈયારી કરી રહ્યું છે.
સમાચાર અનુસાર, નતાશા સ્ટેનકોવિક અને હાર્દિક પંડ્યાના લગ્નનું પ્રી-વેડિંગ ફંક્શન 13 ફેબ્રુઆરીથી શરૂ થશે. તેમાં હલ્દી, સંગીત અને મહેંદી જેવા ફંક્શન સામેલ હશે. હાર્દિક પંડ્યા, પત્ની નતાસા સ્ટેનકોવિક, તેનો ભાઈ અને ક્રિકેટર કૃણાલ પંડ્યા અને પરિવારના અન્ય સભ્યો સોમવારે સવારે મુંબઈ એરપોર્ટથી નીકળીને ઉદયપુરના ડુબોક એરપોર્ટ પહોંચ્યા હતા.
