અનંત રાધિકાના લગ્ન પ્રસંગે લોક ડાયરા નું થશે ભવ્ય આયોજન ગુજરાતી કલાકાર રાજભા ગઢવી, કિર્તીદાન ગઢવી અને સાંઈરામ દવે આપશે હાજરી
મુકેશ અંબાણીએ પોતાના દીકરા અનંત અંબાણીના લગ્ન માટે દેશ વિદેશના તમામ લોકોને આમંત્રણ આપ્યું છે માત્ર એટલું જ નહીં પરંતુ તેમાં બોલીવુડ હોલીવુડ સેલિબ્રિટી અનેક કંપનીઓના બિઝનેસમેન સાથે ગુજરાતના અનેક સાહિત્ય સંગીત ક્ષેત્ર સાથે જોડાયેલા કલાકારોને પણ પોતાના દીકરા ના લગ્ન માટે આમંત્રણ આપવામાં આવ્યું છે તેમાં કિર્તીદાન ગઢવી રાજભા ગઢવી સાયરામ દવે જેવા કલાકારો નો સમાવેશ થાય છે. આ ત્રણે ગુજરાતના પ્રખ્યાત કલાકાર અંબાણીના લગ્નમાં હાજરી આપી આ પ્રસંગને વધારે દીપાવશે.
આ વાત આપણા સૌ માટે ખૂબ જ ગર્વની છે કારણ કે આટલા મોટા અમીર પદ પર હોવા છતાં પણ અંબાણી પરિવાર પોતાની ગુજરાતી સંસ્કૃતિ સંસ્કારો અને સાહિત્યને ક્યારેય ભૂલ્યા નથી અને હંમેશા તેઓ ગુજરાતના તમામ કલાકારોને માન સન્માન સાથે ઉચ્ચ દરજ્જો આપે છે. આ મુખ્ય કારણ છે કે અંબાણી પરિવાર એ તમામ લોકોના દિલ માં વિશિષ્ટ સ્થાન મેળવ્યું છે.
આ પહેલા પણ અંબાણી પરિવારના સામાજિક અને પારિવારિક પ્રસંગોમાં કિંજલ દવે આદિત્ય ગઢવી પાર્થિવ ગોહિલ ઓસમાણ મીર જેવા ગુજરાતના શ્રેષ્ઠ કલાકારોને આમંત્રણ આપવામાં આવ્યું હતું. રાજભા ગઢવી આ કાર્યક્રમમાં લોકસાહિત્યની વાતો કરી તમામ આમંત્રિત મહેમાનોને પ્રેરિત કરશે આ લોક ડાયરા માટે રાજભા ગઢવી એ પણ પોતાનો ઉત્સાહ દર્શાવ્યો હતો.
આ સાથે કિર્તીદાન ગઢવી પહેલા પણ અંબાણી પરિવારના પ્રિ વેડિંગ ફંક્શન જામનગર ખાતે લોક ડાયરામાં હાજરી આપી હતી જ્યાં તમામ અંબાણી પરિવારના સભ્યોએ કિર્તીદાન ગઢવી ના અવાજના ખૂબ જ વખાણ કર્યા હતા. અને તેમનું સ્વાગત સન્માન કરવામાં આવ્યું હતું ત્યારબાદ હવે ફરીવાર અનંત અંબાણીના લગ્ન પ્રસંગના કાર્યક્રમ માટે કિર્તીદાન ગઢવી પોતાના સુરથી તમામ લોકોને મંત્રમુગ્ધ કરવા માટે તૈયાર છે.
સાયરામ દવે ગુજરાતના સર્વશ્રેષ્ઠ હાસ્ય કલાકાર છે સાથે તેમની અવનવી વાતોથી દરેક વખતે લોકોના દિલ જીતે છે ત્યારે હવે ફરીવાર અંબાણી પરિવારના આ શુભ પ્રસંગમાં હાજરી આપી કાર્યક્રમની શોભા વધારશે. ગુજરાતના તમામ કલાકારોને આમંત્રણ આપી અંબાણી પરિવાર એ સાહિત્ય લોકસંગીત અને લોક ડાયરા પ્રત્યે પોતાનો પ્રેમ અને અનોખો ભાવ રજૂ કર્યો હતો.
