કવિરાજ આદિત્ય ગઢવીએ અંબાણી પરિવારના લગ્ન પ્રસંગમાં હાજરી આપી ગરબાની ધૂમ મચાવી જુઓ વાયરલ વિડીયો અને તસવીરો

આપ સૌ લોકો જાણો છો કે અનંત અને રાધિકાના લગ્ન સમગ્ર દુનિયામાં ખૂબ જ ચર્ચાનો વિષય બન્યા હતા. 3 જુલાઈ થી અંબાણી પરિવારના ઘર આંગણે અલગ અલગ ફંક્શન આયોજન કરવામાં આવ્યું હતું જેમાં મામેરા વિધિ રાસ ગરબા હલ્દી રસ મહેંદી રસમ જેવા શુભ કાર્યક્રમનો સમાવેશ થાય છે.

અંબાણી પરિવારે આ લગ્ન માટે દેશ દુનિયાના તમામ પ્રતિષ્ઠિત વ્યક્તિઓને આમંત્રણ આપ્યું હતું. અને આખરે 12 જુલાઈ 2024 ના રોજ અનંત અને રાધિકા લગ્નના પવિત્ર બંધનમાં બંધાયા હતા અને પોતાના નવા જીવનની શરૂઆત કરી હતી. આ લગ્નને અનેક તસવીરો સોશિયલ મીડિયામાં ખૂબ જ વાયરલ થઈ રહી છે.

પોતાના ઘર એન્ટીલીયાથી લક્ઝરીયસ કારમાં અનંત રાધિકા સાથે પરણવા માટે જાન લઈને નીકળ્યા હતા. આ જાનમાં તમામ બોલીવુડ સેલિબ્રિટી થી માંડી દેશ વિદેશના બિઝનેસમેન અને સાઉથ સુપરસ્ટાર પણ જોડાયા હતા જેની તસવીરો સોશિયલ મીડિયામાં ખૂબ જ વાયરલ થઈ રહી છે. આ બાદ મર્ચન્ટ પરિવાર દ્વારા અંબાણી પરિવારનું ભવ્ય સ્વાગત સન્માન કરવામાં આવ્યું હતું. આ ખાસ લગ્ન શુભ પ્રસંગે ગુજરાતી કલાકારોને પણ આમંત્રણ આપવામાં આવ્યું હતું જેમાં પાર્થિવ ગોહિલ, આદિત્ય ગઢવી ઓસમાન મીર જેવા ગુજરાતના પ્રખ્યાત કલાકાર અને સિંગર ઉપસ્થિત રહ્યા હતા આ વચ્ચે સમગ્ર ગુજરાતને દેશ દુનિયામાં કવિરાજ તરીકે જાણીતા આદિત્ય ગઢવીએ પોતાના સુર થી અનંત અને રાધિકાના લગ્નમાં જુમાવ્યા હતા જેની અનેક તસવીરો સોશિયલ મીડિયામાં કવિરાજ આદિત્ય ગઢવીએ શેર કરી છે.

આ પહેલા પણ નીતા અંબાણી કલ્ચરલ સેન્ટરમાં આદિત્ય ગઢવીના કાર્યક્રમનું આયોજન કરવામાં આવ્યું હતું જેમાં નીતા અંબાણી આદિત્ય ગઢવીના સૂરના ખૂબ જ વખાણ કર્યા હતા માત્ર એટલું જ નહીં પરંતુ મુકેશ અંબાણી સૌપ્રથમવાર કોઈ કાર્યક્રમમાં છેલ્લે સુધી ઉપસ્થિત રહ્યા હતા અને સમગ્ર કાર્યક્રમની મજા માણી હતી.

નીતા અંબાણી એ આદિત્ય ગઢવી ના ખુબસુરત સૂરના વખાણ કરતા કહ્યું હતું કે આ તો માત્ર હજુ મુંબઈની શરૂઆત છે આપ મારુ ઘરેણું છો આ કારણથી જ આદિત્ય ગઢવી અંબાણી પરિવારના ખાસ મહેમાન રહ્યા છે. આ પરથી કહી શકાય કે અંબાણી પરિવારના તમામ સભ્યો હજુ પણ પોતાની સભ્યતા સંસ્કૃતિ અને સંસ્કારો સાથે જોડાયેલા છે આ સાથે હંમેશા તેઓ ગુજરાતી લોકસંગીત અને એમના સાહિત્ય અને માનસન્માન અને તેમના પ્રત્યે પ્રેમ અભિવ્યક્ત કરે છે.

વીડિયોમાં આપ જોઈ શકો છો કે આદિત્ય ગઢવી પોતાના લોકપ્રિય ગીતો થી તમામ લોકોને જમાવટ કરાવી રહ્યા છે આ સૂર મુંબઈના જીઓ વર્લ્ડ સેન્ટર માં સંભળાતા ની સાથે જ તમામ લોકો જૂમી ઊઠ્યા હતા. માત્ર અંબાણી પરિવાર જ નહીં પરંતુ બોલિવૂડ હોલીવુડ અને સાઉથના સુપરસ્ટાર પણ આદિત્ય ગઢવીના તાલે મન મૂકીને ગરબે રમ્યા હતા. આ તસવીરો શેર કરતા આદિત્ય ગઢવી એ પોતાના કેપ્શન માં લખ્યું હતું કે જાજરમાન શબ્દ પણ નાનો પડે એવા લગ્ન એટલે અનંત અને રાધિકાના લગ્ન… હું ચાર દિવસથી અહિંયા હતો.

આ બાદ ગઇકાલે લગ્નના પ્રસંગે મુખ્ય વિધી દરમિયાન વિશ્વભરના સેલિબ્રિટીઝની હાજરીમાં અમે સહુ કલાકારોએ પરફોર્મ કર્યું… બૉલિવૂડથી લઇ ને ક્રિકેટ સ્ટાર્સ અને પૉલિટિશ્યન્સથી લઇને ધર્મગુરુઓ અને એ બધાની સાથે ઇન્ટરનેશનલ સ્ટાર્સ, ઍક્ટર્સ અને સિંગર્સથી જાણે ધરતી ઉપર રીતસરનું આખે આખું તારલાઓથી ભરેલું નભ ઉતરી આવ્યું હોય એવું દ્રષ્ય મારી આંખે જોયું… કોઇ અલગ જ વિશ્વ ઉભું થયું હોય એવું डतुं…આ પ્રસંગે અજય-અતુલ દ્વારા સંચાલિત શોમાં અમે સહુ ગાયકોએ ગાયું અને ખૂબ આનંદ કર્યો.

આદિત્ય ગઢવી અંબાણી પરિવારનો પ્રેમ ભાવ અને આવકાર જોઈ ખૂબ જ ખુશ થયા હતા તથા સમગ્ર પરિવારના સભ્યોના ખૂબ જ મન ભરીને વખાણ કર્યા હતા. આ તસ્વીરને અત્યાર સુધી બે લાખ કરતા વધારે લાઇક અને કોમેન્ટ મળી ચૂકી છે.

એક કલાકાર તરીકે આટલી મોટી નામના અને ઓળખ મેળવી ખૂબ જ ગર્વની વાત છે પોતાના સંઘર્ષ અને મહેનતથી કવિરાજ આદિત્ય ગઢવી આજે સફળતાના તમામ શિખરો પ્રાપ્ત કરી રહ્યા છે અને તેમની મહેનતની કારણે આજે તેઓ સતત બીજીવાર અંબાણી પરિવારના ઘર આંગણે પોતાના કાર્યક્રમમાં વિશિષ્ટ હાજરી આપી તમામ લોકોને ખૂબ જ મોજ અને જમાવટ કરાવી હતી.