કીર્તીદાન ગઢવીએ ભગૂડા ખાતે માં મોગલ ના સાનિધ્યમાં લોક ડાયરા ની રમઝટ જમાવી, કિન્નરો પણ મન મૂકી ને ગરબે રમ્યા જુઓ ડાયરા ની એક ઝલક
માં મોગલ તીર્થધામ ભગુડા ના આંગણે 28 માં પાટોત્સવ ની ભવ્ય ઉજવણી કરવામાં આવી હતી આ પ્રસંગે લોક ડાયરાનું પણ આયોજન કરવામાં આવ્યું હતું જેમાં ગુજરાતના તમામ કલાકારો માની આરાધના કરવા માટે ઉપસ્થિત રહ્યા હતા. દર વર્ષે અહીં ભગુડા ના પાટોત્સવમાં લાખોની સંખ્યામાં લોકો ભગુડા ખાતે ઉપસ્થિત રહે છે. આ લોક ડાયરામાં રાજભા ગઢવી કિર્તીદાન ગઢવી માયાભાઈ આહીર જેવા અનેક કલાકાર ઉપસ્થિત રહ્યા હતા. આ પ્રસંગે માં મોગલ ના પરમ ઉપાસક કિર્તીદાન ગઢવી માની આરાધનાથી લોક ડાયરા ની રમઝટ જમાવી હતી.જેની અનેક તસવીરો સોશિયલ મીડિયામાં ખૂબ વાયરલ થઈ હતી.
આ લોક ડાયરામાં કિર્તીદાન ગઢવી માં મોગલ ના અનેક ગીતો ગાયા હતા આ સાથે સાથે માં મોગલ પ્રત્યેનો ભક્તિ ભાવ સમગ્ર ડાયરામાં જોવા મળ્યું હતું. લોકોએ કિર્તીદાન ગઢવી પર નોટો અને ડોલરોનો વરસાદ વરસાવી દીધો હતો. કીર્તીદાન ગઢવી માં મોગલના અનેક પ્રસંગોમાં અચૂક હાજરી આપે છે ઘણીવાર કિર્તીદાન ગઢવી કહે છે કે મારી તમામ સફળતા પાછળ માં મોગલ ના આશીર્વાદ રહેલા છે બાકી મારું કંઈ અસ્તિત્વ નથી માં મોગલ શું આપી શકે તે જોવું હોય તો કિર્તીદાન ગઢવી ને જોઈ લેવો.
આ પરથી કહી શકાય કે કિર્તીદાન ગઢવી માં મોગલ પર અતૂટ શ્રદ્ધા વિશ્વાસ અને આસ્થા ધરાવે છે કીર્તીદાન ગઢવી ના સુરે ગરબે રમવા માટે ભગુડા ના લોક ડાયરામાં કિન્નરો એ પણ વિશેષ હાજરી આપી હતી અને તેઓ પણ મા મોગલના સાનિધ્યમાં ગરબે રમ્યા હતા. ભગુડા નો ડાયરો પૂર્ણ કર્યા બાદ કિર્તીદાન ગઢવી અને માયાભાઈ આહીર ઓસ્ટ્રેલિયાના પ્રવાસ માટે તૈયાર થયા હતા ઓસ્ટ્રેલિયામાં કિર્તીદાન ગઢવી અને માયાભાઈ આહીર લોક ડાયરા અને રાસ ગરબા ની રમઝટ જમાવશે.
