અનંત અંબાણીના લગ્નની સંગીત સંધ્યામાં બોલીવુડ સેલિબ્રિટી સાથે ક્રિકેટના દિગ્ગજોનો મેળાવડો જોવા મળ્યો સલમાન ખાન, આલિયા ભટ્ટ, રણબીર કપૂર, એમએસ ધોની અને…જાણો કોણે આપી હાજરી
અનંત અંબાણી અને રાધિકા મર્ચન્ટ માટે અંબાણી પરિવાર દ્વારા 5 જુલાઈ શુક્રવારથી નીતા અંબાણી કલ્ચરલ સેન્ટર ખાતે ભવ્ય સંગીત સમારોહ નું આયોજન કરવામાં આવ્યું છે. જેમાં જસ્ટિન બીબર પર્ફોર્મન્સ આપે તેવી શક્યતા વ્યક્ત કરવામાં આવી રહી છે. આ પહેલા પણ અનંત અંબાણીના પ્રી વેડિંગ ફંક્શનમાં રિહાના એ જામનગરમાં સંગીત સમારોહમાં હાજરી આપી હતી. આ બાદ હવે ફરીવાર જ્યારે અનંત અંબાણીના લગ્ન માટે ગણતરીના દિવસો બાકી છે તે પહેલા સંગીત સમારોહમાં જસ્ટિન બીબર પોતાનું પફોમન્સ આપે તેવી શક્યતા છે.
અનંત અંબાણી અને રાધિકા મર્ચન્ટ ના સંગીત સમારોહમાં બોલીવુડ હોલીવુડ સેલિબ્રિટીનો મેળવડો જોવા મળ્યો હતો આ સાથે અનેક ક્રિકેટના દિગ્ગજો પણ જોવા મળ્યા હતા.સંગીત સંધ્યાની સાંજ માટેનો ડ્રેસ કોડ ભારતીય રીગલ ગ્લેમ રાખવામાં આવ્યો હતો.
સૌપ્રથમ આ કાર્યક્રમમાં રણબીર કપૂર, આલિયા ભટ્ટ, આદિત્ય રોય કપૂર અને માધુરી દીક્ષિત સહિત બોલિવૂડ એક્ટ્રેસની એન્ટ્રી જોવા મળી હતી.દીપિકા પાદુકોણે પણ રાધિકા મર્ચન્ટ અને અનંત અંબાણીના સંગીત માટે પોતાનો લુક સોશિયલ મીડિયામાં શેર કર્યો હતો.દિશા પટણી, મૌની રોય, સોનાલી બેન્દ્રે, પલક તિવારી, ઝહીર ખાન, કાજલ અગ્રવાલ, હાર્દિક પંડ્યા અને ઈશાન કિશન મહેન્દ્રસિંહ ધોની અને તેમની પત્ની સાક્ષી પણ અનંત અંબાણી અને રાધિકા મર્ચન્ટના સંગીત સમારોહમાં પહોંચતા જોવા મળ્યા હતા. આ સાથે બોલીવુડના ભાઈજાન તરીકે ઓળખાતા સલમાન ખાને પણ ધમાકેદાર એન્ટ્રી કરી તમામ લોકોને ખુશ કરી દીધા હતા.
માધુરી દીક્ષિત, વિદ્યા બાલન, અનન્યા પાંડે, રિતેશ દેશમુખ, જેનેલિયા ડિસોઝા અને નવ્યા નવેલી નંદા, અમીશા પટેલ, સિદ્ધાર્થ મલ્હોત્રા,કિયા અડવાણી વરૂણ ધવન અને તેની પત્ની એ આકર્ષક લુક્થી દરેક લોકોને પોતાના તરફ જોવા મજબૂર કરી દીધા હતા.રણબીર કપૂર, આલિયા ભટ્ટ અને આદિત્ય રોય કપૂર બ્લેક આઉટ ફીટમાં કેમેરામેનને પોઝ આપતા જોવા મળ્યા હતા. આ બાદ અર્જુન કપૂર એ પણ પોતાના બ્લેક કલરના આઉટ ફીટથી નવો અંદાજ જમાવ્યો હતો. આ તમામ બોલીવુડ હોલીવુડ સેલિબ્રિટીનું સમગ્ર અંબાણી પરિવાર સાથે અનંત અંબાણી અને રાધિકા મર્ચન્ટે સ્વાગત સન્માન કરી હાજરી આપવા માટે તેમનો આભાર વ્યક્ત કર્યો હતો.
આપણે સૌ લોકો જાણીએ છીએ કે અંબાણી પરિવારના કોઈ પણ શુભ પ્રસંગમાં બોલીવુડ હોલીવુડ સેલિબ્રિટી સાથે અનેક ક્રિકેટના દિગ્ગજો અને દેશ વિદેશના મહેમાનો વિશિષ્ટ રીતે હાજરી આપતા હોય છે ત્યારે હવે પરિવાર જ્યારે અનંત અંબાણી અને રાધિકા મર્ચન્ટ ટૂંક સમયમાં લગ્નના પવિત્ર બંધનમાં બંધાવવા જઈ રહ્યા છે તે પહેલા ત્રણ જુલાઈના રોજ લગ્નના અનેક ફંક્શન ની શરૂઆત થઈ ચૂકી છે તેમાં સંગીત સમારોહ અને રાસ ગરબા ના કાર્યક્રમમાં અનેક સેલિબ્રિટીઓ એ હાજરી આપી હતી જેની તસ્વીર સોશિયલ મીડિયામાં ખૂબ જ વાયરલ થઈ રહી છે.
