સુરાપુરા ધામ ભોળાદના ગુરુ શ્રીદાનભા બાપુ એ સોનલ ધામ મઢડા ખાતે આઠમા પાટોત્સવ નું આમંત્રણ આપી ર્માં સોનલના દર્શન કર્યા – જુઓ સુંદર તસવીરો
સુરાપુરા ધામ ભોળાદ ખાતે 23 એપ્રિલના રોજ ખૂબ જ ભવ્ય રીતે આઠમો પાટોત્સવ ઉજવવા જઈ રહ્યો છે. આ જ પ્રસંગને અનુરૂપ પૂજ્ય ગુરુ શ્રી દાનભા બાપુએ અનેક મંદિરોમાં પણ સાધુ સંતો તથા મહંતોને નિમંત્રણ પાઠવ્યું હતું. આ મહોત્સવમાં ખૂબ જ મોટી સંખ્યામાં લોકો ઉપસ્થિત રહેવાની શક્યતાઓ દર્શાવવામાં આવી રહી છે.
અહીંના ગાદીપતિ પૂજ્ય ગુરુ શ્રી દાનભા સોનલ ધામ મઢડા મા સોનલના આશીર્વાદ લેવા માટે પહોંચ્યા હતા. જ્યાં તેમને માં સામે માથું ઝુકાવી આશીર્વાદ પ્રાપ્ત કર્યા હતા તથા તેની સાથે સાથે મઢડા ટ્રસ્ટીગણને પણ પાટોત્સવમાં પધારવા માટે ભાવભર્યું આમંત્રણ પાઠવ્યું હતું.
મઢડા સોનલ ધામ ખાતે ભોળાદના અનેક સ્વયંસેવકો પણ દાનભા બાપુ સાથે હાજર રહ્યા હતા. જોકે ભોળાદમાં હવે પાટોત્સવના ગણતરીના દિવસો બાકી રહ્યા છે ત્યારે અનેક સ્વયંસેવકો ભોળાદમાં સેવા આપી રહ્યા છે તેની સાથે સાથે પાટોત્સવના પાવન દિવસે શૂરવીર વંદનાનું પણ આયોજન કરવામાં આવ્યું છે આ આયોજનમાં કિર્તીદાન ગઢવી હકાભા ગઢવી ગોવિંદ ગઢવી પોપટભાઈ માલધારી તથા નિકુલદાન ગઢવી પોતાના સુરથી શૂરવીર વંદના કરશે.
ભોળાદ આજના સમયમાં દરેક લોકો માટે શ્રદ્ધા વિશ્વાસ અને આસ્થાનું પ્રતીક બની ગયું છે આજે પણ આવા કળિયુગમાં વીર રાજાજી અને વીર તેજાજી દાદા હાજરા હજુર રહી અનેક ભક્તોની મનોકામના પૂર્ણ કરે છે. દાદા ના આશીર્વાદ અને ગુરુ શ્રી દાનભા બાપુ ની પ્રેરણાથી અનેક લોકો અહીં વ્યસન મુક્ત થયા છે. આવનારા સમયમાં અહીં ભવ્યથી અતિ ભવ્ય દાદા નો આઠમો પાટોત્સવ ઉજવાશે જેને લઇને તમામ દાદા છોરું ખૂબ જ ઉત્સુક છે.
